Sharaf, sareeyn, wanaag, cid la caabudo Alle Raxmaanka ah
ayaay u sugnaatay, inoo abuuray sidii ugu wanaagsanaayd ee loo abuuray noolaha,,Alle
subxaanah wa tacaalah waxaa uu yiri:
( waxaanu insaanka u abuurnay tii ugu wanaagsanaayd)
Allihii Admaha siiyay sharaftii iyo karaamdii ugu dheerayd, mid ka duwan
noolaha intiisa kale,Eebbe waxaa uu leeyahay:
( waxaanu karameeynay bani-Aadamka, waxaanu ku irsaaqnay wax
wanaagsan oo xalaal ah), Allahaas oo aay sugnaatay awoodda halka ugu dambeeysay
iyo go’aanak ugu sareeya ee aduunkan.
Waxaa cadho Alle iyo lacnad u sugnaatay, cidii ku lamaanaysa
cid kaleoo oo Rabbi abuuray, sidoo kale cid ku gaftay xuduuddi Alle, hadana aan
dambi dhaaf la iman, Alle ayaa bixiya Raxmadda Hadaayadda Casiiska ina keenay
Aduunkan, inagoo sabool sidoo kale ina celin doonaa inagoo ka qaawan, Alle ha inagu rido Hanuunka & Tubta
toosan.
Waxaay sidoo kale guul u sugnaatay cidii aaminta Allahaas,
lana timaada toowbad dhaaf joogta ah isagoo ka cabsanyaa Raxmaankaas ina
abuuray, waayo? ka cabsiga Alle waa is dhul-dhig muhiim u ah badbaadada qofkasta
oo muslim ah, si uu gaadho derejadda imaanka ee mu’minimadda, waxaa sidoo kale
daliil cad ah in qofkasta u baahan yahay dambi dhaaf, xadiiski Rasuulka NNKHA(
bani-Aadamku waa u geffaa waxaana ugu khaayr badan ka Alle dambi dhaafka
waydiista). Haddaba sirta ku jirta waaydiisiga Dembi dhaafka Alle, ayaan
halkan ku duugi doonaa si ana fursad kooban uga fa’iidno intayar hadana kooban ee aan ka fahmay.
Waxaan qoraalkan kooban ku bilaabi doonaa aayado Qur’aan ah
oo Alle leeyahay marka la rutjumo:
(Rabigiin towbad
waaydiista, waa uu idiin dembi dhaafi, waxaana uu samadda idiinka kasoo dejin
doona Roobab, wuxuu idin siinaynaa Caruur iyo Maal, sidoo kale idiinka yeelayaa
Beero, iyo Webbiyaal).”Suuratu, Nuux,10-12” Aayadahaas Qur’aanka ee micnahoodu yahay sida kor ku xsan waxaa
muuqata in qofka bani Aadamka ah if iyo aakhiraba aay anfacaayso, marka Boqorka
aad waydiisato dembi dhaaf, waxaay ku keenaysaa Qodobadan soo socda:
1.
Dembi dhaaf Alle oo kaga badbaadayso naar iyo dulinimadii
aduunka, casiiska ayaa wax karaameeyee.
2.
In dadku helaan roobab oo taasi aay keenayso saameeyn guud oo
dadku iyo degaanka kula ah ku
doogsadaan.
3.
Caruur & Xoolo oo ah aduunkii inaad hesho labadii aad ugu
jeclaayd ee kumanaan qof u daaleen, si baahidaada loo daboolo oo la damaanad
qaaday quruxdaas aduunyo ee aan lagu waaraayn, waadse inaad tacabka aad la
timaadaa Allena wuu ku fududeeyn halkaad ka tabcan lahaayd, sidoo kalena wuu kuu
barakeeyn doonaa .
4.
Waxaa sidoo kale le halayaa beero wax soo saar, oo aay ku
garab yaaalaan webeliyaal & durdurro waraabiya lagana cabbo wabiyadaas sidoo
kale lagu waraabiyo beerahaas, si dadku cuntaddoda uga helaan waa qofkii Alle
dembi dhaafka waaydiistee risaaqadda Allena waay balaadhan tahay oo siyaabo
faro badan ayuu Boqorku u quudiyaa Abuurtiisa kala duwam,
Haddaba isagoo qofku dammaanad haysto if &aakhiroba, maxaa adkeeyay in
qofku Alle u waaydiisto dembi dhaaf joogta ah, taasi waxaay markhaati ka tahay
in shaydaanku markasta uu jecel yahay inuu ku iloowsiiyo arimaha adiga kuu
muhiim ka ah if iyo aakhiraba, waayo hadii ad ogatahy wanaagii aduunku inuu ku
jiro dembi dhaaf aad alle waaydisato maxaad in badan aduunka ugu wareerasyaa iska
xoogso laaiikn Alle dembi dhaaf waydiiso, hadii aad helaayso risaaqad badan oo
aay ka maqantahay digriga Alle waxaad ku
dareemaysa xasilooni la’aan waayo? barakadii ayaa ka maqan oo ah in Alle aanad ku
xidhnaayn, taasi waxaay keenasyaa burbur dhaqaale aakhirka.
Walaal anigoo ka fa’iideeysanayaa fursadan aad ku akhrisay qoraalkan
waxaan idiin soo jeedin lahaa in arinkasta oo Alle waajib inagaga dhigay waxaa
ku dheehan sir qarsoon oo Alle if iyo aakhiraba inagu badbadinaayo, waase muhiim
inan u fahano si aqoomesyan oo ah maxaa ka dambeeya arinkan if iyo aakhiroba?,
waayo Alle isaga ayaa ku abuurtay oo
yaqaaanaa waxaad u sameeysantahay isagaa ayaa jecel adoomihiisa saalixa
ah, sidoo kale aan jeclaayn in aay
aduunka kudareeman dulmi iyo dmbi, lakiin inaad aamintaa oo isu dhiibtaa waa muhiim,
ku kalsoonoow, tallo saaro allahaa, wixii uu kusoo gaadhsiiyo ugu mahadanaq,
Rasulkeenii suubanaa NNKHA waxaa u leeeyahay ( haddi aad u tallo saaran lahyden
Rabigiin sida aay u talo saartaan Shimbiruhu wuu idin irsaaqi lahaa risaaqad
idinku filan) shimbiruhu waxaay baxaan iyagoo calooshoodu madhantahay
waxaayan soo noqdaan iyagoo dheregsan, walaal waa muhiim inaad fahanto in Alle tallo saarataa, aadna martaa waddada
laguu xalaleeyay waad guulaysan doontaa.
Xaqiiqada in la wajahaa waay adagtahay, hayeeshee halkaas
ayaay guushu ku jirtaa!,
Alle ayaa ugu sharaf & garab wanaagsan cid laaysu dhiibo.
Hassan Abdi Shire.
No comments:
Post a Comment