Isma Ogidee Qalbigaad ka tahriiibtay

Isma Ogidee Qalbigaad ka tahriiibtay

Hadaad aaddo suuqa adoo raadinayaa inaad wax soo iibsato, dadku waxaay kugu baayacaan lacag $Doolar ah, Qofka meherada hasytaa waxaa uu aad u xeeriyaa lacagta Maraaykanka, hadii in yar uu yara jactado lacagta doolarka ah waa lagugu soo celinayaa,sidoo kale hadii qofku kuugu sheego lacagta wadanka, ka iibsanayaa ayaan sugayaa ama si cadho leh u oranayaa Odey “intaay dolar ka noqoansyaa”,  si aan ka dhicin bulshooyiin ka kale ayaan u ixtiraamnaa lacagtaas, oo ka qiimo badan ta aaynu leenahay, Wadanki samaaystay inaga ayaa uga ilaalin badan marka la eego xaga dhoowrsita, ilaa heer kaawiaydiisu inaanay is bedelin ama liid jilaac hadii u sameeyo aan ku celino, qofka shaqeeya hadaanu Doolar qaadan ama aanu mushaharkiisa kuugu sheegin laccagtaas qalaad, tan wadanka qofka qaataa waxa uu ku oranayaa xooga yar oo lacagtaas ah ayaan qaataa “niyad jab iyo ceeb isaga oo u arkayaa”, hadiise in u dhiganta oo doolar ah lasiinlahaa wuu ku faani lahaa

Dhanka kale markaad eegto waxaad arkaysaa Shaqooyinka marka lasoo xayaaysiiyo waxaa ugu horeeyaa inuu qofku yaqaano luuqada Afka-Ingriisidda, halka luuqadii hooyo aan lagusoo darin muhiimadda koowaad,  dadku ama dhalintu waay ku faantaa hebel si wanaagsan ayuu u yaqaana luuqadaas, halka Somaaliga & Carabigii oo dhaqan ahaan kasoo jeedno laga dul guuray, amase aay caay noqatay.” Fiiro gaaf ah, Hadaad Wasaarad aragto shaqo wadda waxaad ku arakysaa inaay luuqaddu tahay ingiriisiga ama fadhiga imtixaanka iyada ayaa lagaga qaadaya, war ma ajaanib ayaa loo sheqeeynayaa, hay’adaha gaarka loo leeyahay & gancsatada kaleba waa astaan laga wada simanyahay”.

Ugu dambayntii waxaa dadku aad ugu faanaan xoriyadii laga qaatay Gumaaystihii, waxaase kasii daran  dhibta dhaqan ee uu inagag tagay hadeer, sidoo kale waxa uu hoday hankeenii, isku kalsoonaantii, wuxuuna horseeday, inaan ka murugoonno ciidda  aan ku dhalanay, hala yaabin ka tahriibaay, 99% dadkeenu qalbiga ayaay ka tahriibsanyihiin, dhaqaale ahaan, iyo aqoon ahaanba.

Dhaqanka labiska isqurxinta, iska yeelyeelka ama u hadalka shaqsi aan dhaqan kula wadaagin, walaal kula ahaayn, diin ahaan kuu cadoow ah, hadaad ku dayato waxaad ka tageysaa noloshii caadiga ahaayd, waa sababta keentay Qofka wanaagsan inaan u aragno doqon, qoraageenu inoogu dhex dhinto, sidoo kale taariikhda dadki wanaagsanaa u iloowno, waxaayse cidhib xumi ku keeni doontaa wadaniyadda dadka dhulkan leh oo cid kale la wareegto, caadifada iyo lab lakaca ku salaaysan reernimadu waa iska dhamaanayaa.

Nolosha kalsoonidu waa muhiim inaad  dareent xornimo waa asaaska koowaad, u dhaqan si degan ka fiirsasho leh, isku haleey qiimahaaga, kana fa’iideeyso karaamada aad ku dhalatay, Nolshu waa maalmo isku day inaad samaan nolaato, ugu dambeeyntii Somaalidu waxaay ku maahmaahdaa “ Ninka fuulaa Faras aanu aqoon, wuu gomodaa”- waxaan uga jeedaa hadaad raacdo dhaqan aanad lahaayn Dabada uunbaa ku daalaysaa!.

Taladda & Tawfiiqda Alle ha ina garansiiyo.